Daghang Salamat Raquel!!!

Dugay na kong gusto mohimo ug entry nga binisaya. Ug karon ra jud ko nakahigayon. Tungod ug alang sa akong kumare nga si Raquel.

Sa pipila ka mga adlaw wala ko nagpost ug bag-ong entry kay kining akong balay miagi ug renovation. Ug ang nanguna sa pagmugna mao si Raquel. Mapasalamaton jud ako ug dako uyamot sa iyang kaayo ug kaligdong. Sa pagpulaw aron lamang ning akong gamay nga panimalay mahimong maanindot. Nagtukaw jud kini siya ug mga pipila ka gabii aron maperpekto kining iyang obra. Wala nako damha nga iya jud diay kaayong gidibdib ang akong hangyo. Ug hapit na jud ni niya gi-career hehehe.

Ang akong ikaingon kaniya mao kini: Bulahan jud kining babayhana sa mga babaye nga tanan. Kay bisan bisi kaayo ni siya iya jud gihatagan ug panahon ang akong request. Hangtud usahay makaabsent na lang ni siya ug karaoke hehehe. Aw naunsa ba diay ni nga naabot na man sa karaoke. Hehehe bitaw oi...Salamat kaayo Dhay Raq. Sangko jud sa kalangitan ang akong pagpasalamat diha kanimo. Wala ako'y laing ikabalos kundili mao ra jud ang akong kinsaing kasing nga pagpasalamat. Bulahan ka!

 

15 comments:

Raquel said...

Hahaha, mabuang kog binasa sa imong posting Mareng Bless, ka layum ba sa imong bisaya. Imo man ko gilupigan sa akong makata nga sugilanon ha.

Salamat diay imo kung gi staring diri. Bitaw, na-ibog jud ko sa imong blog karon, maypa wala nalnag nako ni gihatag sa imo oi, hahaha.

Kana diay nga design sa Blue Tictac na ako lang gi improved para manindot jud. Ikaw ang pinangga kung higala.

Bless said...

Aguy...makahilak na jud ko ani ug pokpok...pinangga man jud nga higala...as in touched jud akong pahak ani...bitaw oi...salamat kaayo akong pinangga ug buotan nga higala. :-)

Naomi said...

hahahahahaha!!! nahimuot ko perteng bisayaa kaayo imong post dah! hahahahaha unsa man kalabad hahaah! Na hala gipang-starring tamo sa akuang bag-ong post pud noh kay nalisang ko gahapon sa atong kalabad napuno intawon tong atong mga tagboard sa atong kabuang kahapon hahahah! hala sige virgin mary!!! haaahahahahah

Raquel said...

hahaha, hala virgin mary.

Ethel said...

Hahaha...Pagka balaknon ba diay nimo Bless, maboang kog binasa oy! Piskot. Ayo ayo diha!

DOPS said...

Maato ani ron nga mga gwapa ray kabalo magbinisaya? Oi, dili ko sugot ana, kung naay mga gwapa, naa pod kanunay gwapo, ug walay lain na na kung dili si....AKOOOO! hahahaha....

pasaylo-a ra ko nang Bless kay bag-o ra ko dire nya nahimong murag nagbinugal-bugal dayon...

wala lang nalingaw ra kog basa og binisaya, hehehe...

Sa tinuuran, gikan ko sa balay ni Nao ug nabasahan nako ang mga pangalan sa mga gwapa og akong gipaningkamotan nga ao gyud mahimamat kining mga gwapang bida kao sa iyang bag-ong post...og akong nakit-an nga ang uban ako na nailala og hayag pa gyud sa kahayag sa adlaw ang ilang mga ka-gwapa...maong, ako pod dali-dali nga nianhi aron ako sab makit-an ang imong kahayag...

Og unsa ka ba diha nga labaw pa man diay sa kahayag sa adlaw imong ka-gwapa...dili lang gwapa, langitnon pa jud! Nganong langitnon? aw...ikaw bay mahimong si Virgin Mary, lalim ba....

hehehehe....hello, ako diay si Dops. Musta na diha...bitaw nindot kau ni imong balay, patudlo nya kong N-Raq unsaon ning pagpanindot ug balay...

ayu-ayo nya....

Bless said...

Hi sis Nao! Mao jud na ganahan man jud ko magbinisaya kanang ludabi jud...lawom pinulungang bisaya. Makalingaw man gud pamation oi bisag unsaon hehehe Sister makulbaan man sab ta anang virgin mary....basin magabaan ta ani lolz.

Mareng Raq pirti ba jud ka maanyag sa imong bag ong hulagway oi...mura man ug gikan jud sa studyo hehehe..pero in fairness ha minglutaw jud ang imong kahayag...wagi jud imong posing manang murag artistahin hehehe

Bless said...

hello mareng Ethel...na kinonsehal ni nga balak hehehe

Bless said...

Welcome diay Nong Dops!!! Maayo kay nahitultulan nimo kining akong payag nga mejo nahimutang man kini sa ikapitong bungtod.. hehehe..

bitaw oi makahimuot kaayo ang imong mensahe. murag gigitik ang akong pahak sa imong sugilanon. ug sa walay lipud-lipod oi dili pud kabentahaan ning mga bisdak kay molaban sab ni ug paanyagay hehehe Ang mga dagway hayag pa sa busilak sa adlaw o lubot sa aninipot ba kaha hahaha..jokies

Bitaw nong dops...in fairness...dili pud kabentahaan imong ka-ambongan oi...mura jud ka ug naay dugo ni Dagohoy hehehe pwede pud ka mag artista sa puting tabil.

Salamat kaayo sa pagduaw ug moadto ra unya ka sa imong puluy-anan. Hangtud sa sunod...

Raquel said...

Bless, nabasa nako imong mga asnwer sa comment....wa na utong2x na jud ko diri ug katawa.

Tess said...

Bless, pagka anindot na aning imong balay oy! bitaw daan na mang nindot pero ning samot gyud ka nindot. Bless, naa siguro kay doctorate degree sa visayan language no? arang lawoma oy, hangtod karon sige pa kog kutkot kay super lawom kaayo dili nako ma dig, lol! nice kaayo bitaw! iboto si raquel, yiheyyyyy!

kaluskos group said...

hahahaha!!!! hahahaah! bale! natigalgal na gyud ning akong suwang nairog hasta akong abagag kinatawa sa mga answer nimo Bless, mao pay ako! imong binisaya dili kalupigan bisan silingan pay magbugno! hahaahah!!!! hastang lingawa oy! hasta si gwapong Dops bahakhak ko sa iyang mga istoryang unta dili makilatan kay Virgin Mary na lagi gyud no kang gibutang sa altar pagkagamhanan! na hala nalipay ko kay diri pud si migong Dops niratrat gawisikwisik sa iyang kagwapuhan! na na hala..

Ghie said...

ahak dis-a man na gikan imong binisaya silingan arang laluma ba, haaaaaaayy ma buang ko kumatawa ninyo piskot panuhoton nya ko ani, sige silingan babye usa.

balikbayan_box said...

Kalingaw ba diri uy!

bisitaha sad mi sa BisayaBloggers.com basin diay ganahan mo mua-apil sa amo

Kitakits!

Teachernorms said...

Sus! tinood jud pagkalalom jud sa binisaya Bless. Ug sa tubig pani nalumos nako lol. Raquel nagselos ko ani da! Si Bless ra diay imong pinangga?

O cge Bless hapi-hapi sa imong nindot nga balay. Labing-labing.

Blog Widget by LinkWithin